咁樣算唔算係性騷擾?

第一次見有少少曖昧嘅男仔嘅時候 我哋就普通行街食飯 佢試過無啦啦問都未問過就突然攬住我條腰 或者擺佢隻手喺我背脊度 之後勁快咁左右掃/摸。 到夜晚嗰陣佢帶咗我去一個我唔熟悉嘅地方 突然問我可唔可以錫 因為我覺得都未一齊 加上第一次見就錫 實在太快 所以當佢係咁嘗試去說服我嘅時候 我就拒絕咗佢4-5次左右 然之後佢就郁手掂我 試圖除我口罩 基於本能反應我就即刻撳住口罩 之後縮埋一舊咁坐 過咗幾日之後我同佢講做返朋友 同埋亦都有同佢解釋點解我要咁做 本身我打算呢啲嘢我哋自己兩個知就算 點知原來條友同曬我哋班朋友講 而佢哋嘅反應係: 「都係除你個口罩啫 駛唔駛咁大反應」 「話佢性騷擾你未免太嚴重啦掛」 「點解你唔直接跑走」 因為咁 我已經同佢+班朋友斷絕朋友關係 雖然自己覺得今次算係性騷擾 但係有時都會俾佢哋嘅話語影響咗: 係咪自己諗多咗?自己小題大做咗? 唔應該為咗啲咁小嘅事就同佢講做返朋友? 其實佢咁樣算唔算係性騷擾? 非禮?或者純粹騷擾? 另外都想問 當未一齊過 之前純粹曖昧 如果做返朋友 會唔會用到「分手」「拍拖」「ex」等字眼? (因為當我同佢講返做朋友嗰陣 佢有話過我「一上水就提出分手」 或者「希望分開咗之後我都算係你個ex」) 感謝各位。
留言
B37-1 我有屌鳩佢又同你講同全世界講?係呢件事上我冇撐過佢,唔知你邊度聽返嚟。 我地唔係撐,係燥緊你嘅態度,由第一日打機你地有爭執,我都好就你唔出聲做和事佬一人少句 你講到你呢度啲人撐你,啲人又有冇聽過男嘅版本,同你段千字文同你同女性朋友嘅對話。呢度都係你片面之詞。你話我唔聽你講嘢,然後你而家做埋同一樣野,雙標到呢。我有同心儀女仔提及,唔好意思佢反應都係驚訝,對你好驚訝。 點解?因為佢冇聽你版本呀嘛,唔通人地又要加隻落嚟呀。有朋友搵自己傾訴第一下一定係安慰支持,然後再反思,佢道歉咗又反思佢,我同佢做朋友就支持佢?咩邏輯呀小姐。 重申我並講過撐佢,係你一直態度語氣唔良好,所以先造成對立,而且你一嚟就起鋼,點討論呀,我有同你講過我地會注意言論,我地做到,都叫你改善下,你答我試過改唔到,冇必要辛苦自己。你講架,我就唔出聲聽完咪算囉,冇必要下下扯爛塊面 你放上嚟搵答案,你搵到啦。你都係想令自己內心好過啫,根本接受唔到其他意見,講乜都浪費口水 剛才都有人同我講,佢另一半啲嘢。唔通我又走去屌柒佢另一半咩,兩個人嘅事聽完咪算,對方又冇要我幫手,唔會咁插手囉。 最後,unblock 咗唔好意思真係留意唔到,因為我諗住都block都冇嘢好講,點解你放埋上Dcard,我冇咁得閒留意你係咪unblock,以為自己邊個?世界圍住你轉架😂