情人節發現自己係二奶

同呢個男朋友一齊咗半年 今年第一次過情人節 夜晚冇堂食 我又一個人住 咪約佢上嚟屋企打邊爐~ 佢一直都話自己2月14有嘢做 慶祝唔到 咁佢番工都好忙 我都冇為意 但我又好想慶祝 咪係咁煩佢 叫佢抽時間陪我 咁佢最後都有應承~~ 我就約佢7點上我屋企啦 點知 佢琴日10點先到 手上面仲拎住一對佢想要咗好耐嘅波鞋 我問佢 去咗邊 佢話見客見耐咗 對鞋係個客送🥲 到夜晚 我諗咗好耐覺得唔對路就開咗佢手機嚟睇 發現佢有兩個ig ac 有一個係我唔知嘅 佢喺嗰個ig到po咗個story 影住對鞋 Tag咗個女仔 寫住多謝BB 3週年快樂🧑🏻‍🎤 利申:一直都唔知自己係二奶 冇心害人 今朝已經分咗手🌲
留言
B31-3 B43 B44 B45 B45-2 B45-3 同意上面咁多位女仔所講嘅嘢! B45-5 樓主ex唔專一只係因為佢係仆街而唔係因為專一唔係應份。專一唔係大曬但係應份。世界上有好多除左專一仲有其他優點嘅好男人!專一只係發展一段正常健康嘅戀人關係嘅其中一個必要因素,仲要睇相處落黎大家對各自有無感覺同埋了解到底適唔適合,例如各自嘅性格同價值觀。而feel都唔係比你講成係花言巧語,係最根本嘅到底鐘唔鐘意對方,分辨出到底係做朋友嘅喜歡定係作為異性嘅喜歡。係唔鐘意你嘅你講再多嘅花言巧語人地都唔會鐘意你,係鐘意嘅用簡單嘅一句提醒已經可以令人覺得好warm。仲有,相處落黎到要睇各自嘅性格同埋價值觀,例如:黃/藍、勤力/懶。總之,要睇埋好多因素,先可以發展到一段正常健康嘅戀人關係。 要大家都兩情雙悅嘅機率確實唔高,你鐘意人但人地唔鐘意你,你無錯,但對方都無錯。對於對方黎講,真係唔鐘意你嘅你講到自己幾專一都無用,反而會令到對方困擾,甚至反感。佢鐘意邊個,甚至同邊個一齊你都控制唔到,無論嗰個人係好人定壞人都好。更何況,對方亦都可以選擇個互相喜歡又專一,仲有其他優點嘅人呢。 唔好take專一就係追求伴侶嘅必殺技 for granted!!!!!! 真係諗唔到自己仲有咩其他魅力嘅話,就去學下嘢,發掘下自己嘅魅力,然後再去追求伴侶。